Plani Kombëtar për Integrimin Evropian 2022

Plani Kombëtar për Integrimin Evropian 2022 – 2024 (PKIE 2022-2024)Projektvendimi i Këshillit të Ministrave synon miratimin e Planit Kombëtar për Integrimin Evropian 2022 – 2024. PKIE 2022 – 2024 do të shërbejë si instrument i planifikimit dhe monitorimit të detyrimeve që rrjedhin nga Marrëveshja e Stabilizim-Asociimit dhe i procesit të anëtarësimit të Republikës së Shqipërisë në Bashkimin Evropian. PKIE 2022 – 2024 synon prioritizimin, planifikimin, monitorimin dhe vlerësimin e përafrimit të plotë të legjislacionit shqiptar me acquis e Bashkimit Evropian si një nga kriteret e anëtarësimit në Bashkimin Evropian. Plani Kombëtar për Integrimin Evropian ka një objektiv të trefishtë. Së pari, ai do të shërbejë si instrument i planifikimit të plotësimit të detyrimeve të lindura nga Marrëveshja e Stabilizim-Asociimit. Kjo Marrëveshje, ratifikuar me Ligjin Nr. 9590, datë 27.07.2006 “Për ratifikimin e ‘Marrëveshjes së Stabilizim-Asociimit ndërmjet Republikës së Shqipërisë dhe Komuniteteve Evropiane e shteteve të tyre anëtare”, përcakton në nenin 70 të saj detyrimin e Republikës së Shqipërisë për përafrimin e legjislacionit kombëtar me legjislacionin e Bashkimit Evropian në përputhje me afatet e përcaktuara nga kjo Marrëveshje. Së dyti, bazuar në marrjen e statusit të vendit kandidat në qershor 2014, PKIE 2022 – 2024 ka si pikësynim final përafrimin e plotë të legjislacionit shqiptar me acquis e Bashkimit Evropian si një nga kriteret e anëtarësimit në Bashkimin Evropian. Anëtarësimi në Bashkimin Evropian përbën një hap më të avancuar nga Marrëveshja e Stabilizim-Asociimit. Së treti, në datë 26 mars 2020, Këshilli Evropian miratoi konkluzionet e Këshillit të Çështjeve të Përgjithshme të datës 25 mars 2020 për hapjen e negociatave të anëtarësimit me Shqipërinë, përfshirë miratimin e metodologjisë së re të negociatave të anëtarësimit. Metodologjia e re bazohet në një përqasje më dinamike, më të parashikueshme duke e bërë procesin më të besueshëm dhe me një drejtim më të fortë politik. Në këtë fazë të procesit të hapjes së negociatave të anëtarësimit me Bashkimin Evropian është e nevojshme që PKIE, si plani kombëtar i procesit të integrimit në BE, të reflektojë fazën e hapjes së negociatave për anëtarësim, duke prioritizuar detyrimet parësore që rrjedhin nga procesi i negociatave të anëtarësimit në BE, sikurse kërkohet sot e në vijim nga Komisioni Evropian, duke përfshirë mekanizmat e ndryshëm të stabilizim-asociimit. Përafrimi i legjislacionit shqiptar me legjislacionin e Bashkimit Evropian duhet konsideruar si një cikël i vazhdueshëm, i përbërë nga këta hapa: <ul> <li style="text-align:justify">Studimi i legjislacionit të Bashkimit Evropian,</li> <li style="text-align:justify">Identifikimi i mangësive të legjislacionit shqiptar kundrejt acquis,</li> <li style="text-align:justify">Hartimi i akteve shqiptare që synojnë përafrim,</li> <li style="text-align:justify">Monitorimi i zbatimit të legjislacionit të përafruar.</li> </ul> Projektvendimi i Këshillit të Ministrave synon të koordinojë këtë proces përafrimi duke përcaktuar prioritetet e tij, aktet që do të përafrohen, ministritë përgjegjëse për hartimin e projektakteve shqiptare, shkallën e përafrimit, afatet e miratimit dhe hyrjes në fuqi si dhe koston e hartimit të legjislacionit të përafruar.   1/7/2022 3:02:08 PM1/7/2022 3:02:08 PM