Projekligji për Strategjinë Detare

Projekligji për Strategjinë DetareProjektligji “Për Strategjinë Detare” është hartuar si pjesë e paketës ligjore në kuadër të  përafrimit të plotë të legjislacionit Shqiptar në fushën e menaxhimit të burimeve ujore me acquis të Bashkimit Evropian në këtë fushë, nëpërmjet mbështetjes së projektit  “Mbështetja e Bashkimit Evropian për Menaxhimin e Integruar të Ujit në Shqipëri”, një nga komponentët e të cilit është “Përmirësimi i kuadrit ligjor në fushën e menaxhimit të burimeve ujore”, financuar nga BE dhe Agjencia Austriake për Zhvillim (ADA). Një nga detyrimet e përafrimit të legjislacionit evropian në fushën e burimeve ujore është implementimi i Direktivës 2008/56/EC të Parlamentit Evropian dhe e Këshillit, e datë 17 qershor 2008, për përcaktimin e kuadrit të veprimit në fushën e politikave mjedisore detare. Ky projektligj ka si qëllim të përcaktojë kuadrin ligjor për arritjen dhe mirëmbajtjen e një statusi të mirë mjedisor të ujërave detare të Detit Mesdhe, të cilat janë nën sovranitetin e Republikës së Shqipërisë, përmes hartimit e zbatimit të Strategjisë Detare të Republikës së Shqipërisë. Procesi i konsultimit të këtij projektakti do të kryhet nga Agjencia e Menaxhimit të Burimeve Ujore, në cilësinë e organit përgjegjës  për administrimin dhe menaxhimin e burimeve ujore që ka për detyrë bashkërendimin e punës për harmonizimin e kuadrit ligjor të sektorit me acquis të BE-së,  në përputhje me ligjin nr.146/2014 “Për njoftimin dhe konsultimin publik”. Ju ftojmë të njiheni me draft-in final të Projektligjit “Për Strategjinë Detare” dhe të jepni kontributin tuaj për përmirësimin e përmbajtjes së projektaktit duke dërguar sugjerimet, komentet dhe propozimet tuaja brenda 20 ditëve pune duke kontaktuar Znj. Irma Themeli, Përgjegjës Sektori, Drejtoria e Menaxhimit Strategjik, AMBU në adresën  e postës elektronike: <a href="mailto:irma.themeli@ambu.gov.al" style="color:#0563c1; text-decoration:underline">irma.themeli@ambu.gov.al</a> . 6/6/2022 10:32:51 AM6/6/2022 10:32:51 AMInstituti i Politikave Mjedisore përcjell komentin se në Projektligjin për Strategjinë Kombëtare nevojitet të përfshihen hartimi i planeve veprimi për marrjen e masave ndaj pasojave të ndryshimeve klimatike sikurse është rritja e nivelit të detit dhe humbja e bregdetit Shqiptar me ritme të shpejta. Për këtë nevojitet parashikimi i një buxheti për planet e veprimit dhe studimeve paraprake. Komenti i është referuar DIREKTIVËS 2008/56/KE të PARLAMENTIT DHE TË KËSHILLIT EVROPIAN, Pika (34) “Duke pasur parasysh natyrën dinamike të ekosistemeve detare dhe ndryshueshmërinë e tyre natyrore, dhe duke pasur parasysh se presionet dhe ndikimet mbi to mund të ndryshojnë me evoluimin e modeleve të ndryshme të aktivitetit njerëzor dhe ndikimin e ndryshimeve klimatike, është thelbësore të njihet se përcaktimi i statusit të mirë mjedisor mund të duhet të përshtatet me kalimin e kohës. Prandaj, është e përshtatshme që programet e masave për mbrojtjen dhe menaxhimin e mjedisit detar të jenë fleksibël dhe adaptues dhe të marrin parasysh zhvillimet shkencore dhe teknologjike. Prandaj, duhet të sigurohet dispozita për përditësimin e strategjive detare në baza të rregullta.”6/9/2022 10:09:18 AMINSTITUTI I POLITIKAVE MJEDISORE 0