P R O J E K T L I GJ “PËR NJË NDRYSHIM NË LIGJIN NR.155, DATË 7.12.2020 “PËR NDRYSHIMET KLIMATIKE”

P R O J E K T L I GJ “PËR NJË NDRYSHIM NË LIGJIN NR.155, DATË 7.12.2020 “PËR NDRYSHIMET KLIMATIKE” Kjo nismë është ndërmarrë pasi shpeshherë individë që ndotin hapësirat publike dhe mjedisin ndëshkohen pak ose aspak nga autoritetet. Shumë praktika të vendeve të tjera tregojnë se ashpërsimi i masave, jo vetëm mbi subjektet ndotëse por gjithashtu edhe mbi individët, që hedhin mbeturinat në mjediset publike ul ndjeshëm ndotjen e mjedisit. <ol> <li style="text-align:justify">Qëllimi i këtij projektligji është ashpërsimi i kundravajtjeve administrative me 30% të vlerës së gjobave, bazuar në rezultatet e këshillimit kombëtar, nga ku rezultoi se qytetarët vlerësuan se për të parandaluar dëmtimin apo rrezikun e dëmtimit të mjedisit dhe hapësirave publike nga veprimet e individëve apo subjekteve që ushtrojnë veprimtari ekonomike,nevojitet që të ashpërsohen masat ndëshkuese, në përputhje edhe me parimin “ndotësi paguan”.</li> </ol> Ashpërsimi i masës së gjobës si një masë me impakt të drejtëpërdrejtë në veprimtarinë ekonomike të subjekteve apo ekonominë/buxhetin e individëve do të ndikojë në ndërgjegjësimin e tyre për të shmangur kryerjen e veprimeve të cilat do të conin në prishjen/dëmtimin e mjedisit. <ol start="2"> <li style="text-align:justify">Parashikimin në legjislacionin e fushës së mjedisit të dënimit me gjobë si titull ekzekutiv, në përputhje me Ligjin nr.10279/2010 “Për kundravajtjet administrative”.</li> </ol> Në lidhje me këtë propozim i cili do të sillte efektivitet në ekzekutimin e sanksioneve që vendosen nga organet administative, sqarojmë se, aktualisht procesi i ekzekutimit të gjobave vështirësohet për shkak të ankimit administrativ dhe gjyqësor të gjobës duke zgjatur në kohë procesin dhe duke humbur qëllimin e vendosjes së sanksionit për ndotjen e mjedisit.  Fuqizimi i strukturës përgjegjëse inspektuese në mjedis, me qëllim ushtrimin e kontrollit/inspektimeve për të gjitha kundravajtjet administrative në fushën e mbrojtjes së mjedisit sipas referencave ligjore të parashikuara në Kreun i të këtij raporti. Në ligjin nr.155, datë 7.12.2020 “Për ndryshimet klimatike”, bëhet ndryshimi si më poshtë vijon: Neni 1 Në nenin 34 bëhen ndryshimet e mëposhtme. <ol> <li style="text-align:justify">Pika 1 dhe 2 ndryshojnë si më poshtë:</li> </ol> “ 1. Shkeljet e mëposhtme të këtij ligji, që nuk përbëjnë vepër penale, përbëjnë kundërvajtje administrative dhe dënohen si më poshtë: a) zhvillimi i një aktiviteti pa leje mjedisi, që përfshin shkarkimet e GES-it sipas kërkesave të nenit 10 të këtij ligji, dënohet me gjobë në vlerën nga 1 300 000 (një milion e treqind mijë) deri në 2 600 000 (dy milion e gjashtëqind mijë) lekë, duke u shtuar me vlerën 2 për qind të masës së gjobës çdo ditë deri në korrigjimin e mospërputhjes; b) mospërmbushja e detyrimit nga cilido operator për monitorimin e shkarkimeve të GES-it dhe raportimin e tyre në AKM, sipas kërkesave të neneve 8, pika 1, dhe 13, pikat 6 e 7, të këtij ligji ose akteve të tij nënligjore, dënohet me gjobë në vlerën nga 1 300 000 (një milion e treqind mijë) deri në 2 600 000 (dy milion e gjashtëqind mijë) lekë, duke u shtuar me vlerën 2 për qind të masës të gjobës çdo ditë deri në korrigjimin e mospërputhjes; c) mosnjoftimi në AKM i ndryshimeve të parashikuara në pikën 1 të nenit 12 të këtij ligji, për të cilin mund të nevojitet një përditësim i lejes së mjedisit, që përfshin shkarkimet e GES-it lidhur me shkarkimin e këtyre, dënohet me gjobë në vlerën nga 1 300 000 (një milion e treqind mijë) deri në 2 600 000 (dy milion e gjashtëqind mijë) lekë, duke u shtuar me vlerën 2 për qind të masës të gjobës çdo ditë deri në korrigjimin e mospërputhjes. 2. Gjoba e vendosur për kundravajtjet e parashikuara në pikën 1 të këtij neni përbën titull ekzekutiv dhe të drejtën e gjobës e ka struktura përgjegjëse inspektuese në fushën e mjedisit”. 2. Në pikën 5 fjalët “inspektoratit përgjegjës për mjedisin” zëvendësohen me “strukturës përgjegjëse inspektuese në fushën e mjedisit” 7/28/2022 4:33:50 PM7/28/2022 4:33:50 PMNë emër të IEP shprehim mbështetje të këtij ashpërsimi të masave të kundravajtjes ndaj nenin 34 të Ligjit "Për ndryshimet Klimatike"8/1/2022 11:46:57 AMINSTITUTI I POLITIKAVE MJEDISORE 0