P r o j e k t l i gj Për disa shtesa në ligjin nr.8743, datë 22.02.2001, “Për pronat e paluajtshme të shtetit”, i ndryshuar

REPUBLIKA E SHQIPËRISË

KUVENDI

P R O J E K T L I GJ

Nr. ___, datë ____.____.2020

PËR DISA SHTESA NË LIGJIN NR.8743, DATË 22.02.2001, “PËR PRONAT E PALUAJTSHME TË SHTETIT”, I NDRYSHUAR

Në mbështetje të neneve 41, 78 dhe 83 pika 1, të Kushtetutës, me propozimin e Këshillit të Ministrave,

K U V E N D I

I REPUBLIKËS SË SHQIPËRISË

V E N D O S I:

Në ligjin nr.8743, dt.22.02.2001, “Për pronat e paluajtshme të Shtetit”, bëhen këto shtesa dhe ndryshime:

Neni 1

Në nenin 2 shtohet gërma “ç” me këtë përmbajtje:

“ç) “bregu i detit” është sipërfaqja e tokës përgjatë detit, me gjerësi dhe kufi të përcaktuar sipas legjislacionit “Për menaxhimin e integruar të burimeve ujore”, e cila është pronë publike e patjetërsueshme.”

Neni 2

Në nenin 3, në gërmën “a” të pikës 1, pas shprehjes “vija bregdetare për të hyrë në tokë” shtohet shprehja “bregu i detit”.

Neni 3

Hyrja në fuqi

  Ky ligj hyn në fuqi 15 ditë pas botimit në Fletoren Zyrtare.

KRYETARI I KUVENDIT

 GRAMOZ RUCI