Projektligj “Për shkencën dhe kërkimin shkencor në Republikën e Shqipërisë”
Ministria e Arsimit, Sportit dhe Rinisë
|
Postuar më: 26.03.2024
|
Data e Mbylljes: 25.04.2024
|
Statusi: Konsultim i mbyllur
|
Nr.Komenteve: 0
|
Nr.Shikimeve: 825
Projektligji synon arritjen e objektivave si sigurimi i produkteve të kërkimit shkencor që mbështesin zhvillimin e qëndrueshëm të vendit, mbrojtjen e mjedisit dhe shëndetit publik, si dhe konsolidimin e identitetit dhe mbrojtjen e interesave kombëtare; përvetësimin e aftësive dhe njohurive të reja, transferimin e tyre për përfitimin e përgjithshëm publik, me synim rritjen e nivelit të mirëqenies sociale, zhvillimit teknologjik dhe inovacionit; fuqizimin e aftësive për të menaxhuar dhe zbatuar progresin teknologjik dhe të përgjithshëm shoqëror, si burimi kryesor i zhvillimit të qëndrueshëm, duke rritur vlerën e punës dhe konkurrueshmërinë; fuqizimin e lidhjeve ndërkombëtare të komunitetit të studiuesve dhe kërkuesve shkencor shqiptarë me ato të zonës europiane të kërkimit, si dhe me kërkuesit e diasporës, duke promovuar lëvizshmërinë dhe përfshirjen në proceset e integrimit evropian dhe në rrjetet ndërkombëtare të vlerave; ngritjen e kapaciteteve të personelit shkencor dhe nxitjen e zhvillimit të karrierës shkencore duke siguruar mundësi të barabarta; fuqizimin dhe rritjen e përdorimit të infrastrukturës kërkimore shkencore duke garantuar akses për të gjithë; zgjerimin e bashkëpunimit ndërinstitucional në fushën e kërkimit shkencor, me qëllim zhvillimin dhe shfrytëzimin e potencialeve kërkimore shkencore; nxitjen e bashkëpunimit midis institucioneve të kërkimit shkencor dhe biznesit, institucioneve publike, shoqërisë civile, si dhe palëve të tjera të interesuara në veprimtari kërkimore shkencore dhe inovacion; promovimin, zgjerimin e rolit të shkencës dhe krijimin e një mjedisi favorizues dhe mbështetës për kërkimin shkencor në shoqëri.
Nuk ka ende asnjë koment për këtë konsultim